“Aqro-Azərinvest” Məhdud Məsuliyyətli Cəmiyyətinin (Qəbələ-Şərab zavodunun) istehsalı olan 15 illik “GILAN” konyakı və “İRƏVAN QALASI” ağ süfrə şərabı 2015-ci ilin 9-13 fevral tarixində Moskva şəhərində keçirilən ərzaq məhsulları, içkilər və onların istehsalı üçün xammal "PRODEXPO - 2015" 22-ci Beynəlxalq sərginin “2015-ci ilin ən yaxşı məhsulu” laureatı DİPLOMunu və QIZIL MEDALını alıb.
Londonun məşhur “IWSR” jurnalının noyabr sayında Azərbaycandakı inkişaf və ölkədə fəaliyyət göstərən şərab zavodları haqqında məqalə dərc olunmuşdur. Məqalədə Aqro-Azərinvest MMC-nin istehsal etdiyi “Gold Baku” konyakı xüsusi qeyd edilmişdir.
Məhsulların keyfiyyətini daha da yüksəltmək məqsədi ilə “Aqro-Azərinvest” MMC-nin Qəbələ rayonununda yerləşən şərabsüzmə müəssisəsinin yeni texnikalarla təchiz olunması davam etdirilir. Bu yaxınlarda müəssisədə istehsal gücü saatda 6 min ədəd butulka olan, İtaliyanın tanınmış “Alfatek” şirkətininə məxsus yeni avtomatlaşdırılmış şərabsüzmə xətti quraşdırılmışdır.
“Vəzir” və “Babək” konyakları Moskva şəhərində keçirilən Beynəlxalq “Şərab və Spirtli içkilər” Müsabiqəsində gümüş, Londonda keçirilən «International Wine and Spirit Competition» Beynəlxalq müsabiqəsində isə 3 bürünc medala layiq görülmüşdür.
10--14 fevral 2014-cü il tarixində Moskva şəhərində “21-ci Beynəlxalq qida məhsulları, içkilər və onların istehsalı üçün xammal sərgisi “PRODEKSPO-2014” keçirilmişdir.